BENVIDAS E BENVIDOS!

Queridísimo alumnado de 6º:

Como levades estes días? De corazón espero que esteades ben de saúde e de ánimo, tanto vós como as vosas familias e persoas achegadas. Eu estou moi ben, co optimismo de que todo isto pasará e volveremos a vernos axiña e a darnos apertas enormes. Mentras non sexa así, imos utilizar este blog como lugar de encontro, como unha xanela á que asomarnos para sentirnos conectados, e xuntos/as seguir aprendendo e descubrindo outros mundos tamén. Por iso, cando leades isto, deixade algún COMENTARIO abaixo. Así saberemos que estamos unidas/os


Antes de pechar o cole deunos tempo a levar unha serie de tarefas para estes días, en formato papel, e que seguro que estades facendo. Dende aquí axudareivos a levalas a cabo, e seguir camiñando. Todas as propostas que vos irei deixando por aquí son voluntarias, e non son avaliables. Haberá de todo: xogos, videos, tarefas, retos, etc. 

É momento de reflexionar e pensar POR QUE facemos as cousas que facemos. Podedes elexir facer estas tarefas por curiosidade, por pasar o tempo, porque así mo manda alguén ou porque realmente VOS GUSTA APRENDER.  Está na vosa man a decisión. Confío en que me acompañaredes neste camiño tan diferente, novo e estimulante para vós, e tamén para min. Imos! 😊