DIARIO VIAXEIRO

Hoxe remata o segundo trimestre por iso propóñovos ir de viaxe.

Non podemos saír de casa pero si que podemos viaxar de outras maneiras.

Faremos unha viaxe virtual a un lugar que sempre quixemos visitar, sos ou en familia.

Se vos animades, á volta de vacacións veremos os vosos recordos da viaxe.

____________________Planificando a viaxe:____________________________

Pode ser dentro de Pontevedra, de Galicia, de España, de Europa ou do planeta Terra.

.................................................................................................................................................................................................................
Cada viaxe debe incluír como mínimo:

- Motivos polo que elixes este lugar,
- Unha explicación do lugar,
- Situación do lugar
- E cousas que alí se poden ver ou facer.

.................................................................................................................................................................................................................
Consellos:

Podedes buscar información en internet, libros, revistas, etc pero non copiedes directamente eses textos, contádeo coas vosas palabras. Recoméndovos dar un paseo por ese lugar usando GOOGLE MAPS, e ampliando a zona. Podedes vivir una experiencia de realidade virtual en sitios moi exóticos. Alucinante!

Podedes adornar o voso diario de viaxe, por exemplo, con fotos, debuxos, vídeos, enlaces, visitas a museos, monumentos, parques naturais, comidas típicas, fauna, como é a música típica, historia do lugar, ou o que se vos ocorra.

.................................................................................................................................................................................................................
Procedemento:

Tedes unha semana para levar a cabo a vosa aventura, e crear un DIARIO VIAXEIRO. Pode ser en WORD ou en PAPEL para quen non teña ordenador. Despois, á volta de vacacións, compartiremos os nosos documentos nominándonos entre nós. Recoméndovos non esperar a ser nominados, ir preparando a viaxe con antelación, non vaiades perder o avión!

Á volta comezarei eu, e cando remate nominarei a seguinte persoa que terá que mostrar a súa viaxe.

Cando esta persoa mande a súa viaxe ao correo, debe rematar dicindo a quen nomina para a seguinte viaxe, eu publicareino no blog, e a persoa nominada deberá enviar a súa viaxe o día seguinte, e así sucesivamente.

Non se pode repetir nominad@ para que tod@s poidamos realizar unha proposta.

BOA VIAXE!